McNeill eta Clark, legendazko bi erdiko atzelari
McNeill eta Clark, legendazko bi erdiko atzelari
McNeill aireko jokaldietan erregea zen bitartean, Clark-ek beheko baloiak erraztatzen zituen. Indar handikoa zen.
Celticeko edozein zalerentzat, Billy McNeillek eta John Clarkek bere historiaren legendazko erdiko atzelari bikoterik onena osatu zuten, adibidez, Athletic Cluben Goikoetxeak eta Liceranzuk osatutako bikotearen antzeko modukoa izan daitekeena.
Biak eskoziarren atzeko lerroaren jabe egin ziren hamarkada batean, eta, esangabe doa 1967ko Europako Kopan Inter Milanoren aurka finala irabazi zuten Lisbon Lions-en atzeko lerroaren ardatzean lan erabakigarria egin zutela. Billy McNeill taldearen buru eta kapitaina zen bitartean, John Clark bere ezkutari leiala zen itzalpean. “The Brush” ezizenez (“Eskuila”) ezaguna zen libero hau, taldekidearekin ezin hobeki elkarren osagarri zen. McNeill aireko jokaldietan erregea zen bitartean, Clark-ek beheko baloiak erraztatzen zituen. Indar handikoa zen.
Bikote bereizezina osatu zuten jokalekuan, eta igandean Athletic Clubek berriro elkartuko die modu sinboliko batez One Club Man sari-banaketaren ekitaldian. Jose Angel Iribarrek duela gutxi hil den Billy McNeillen Susan alabari saria emango dio, eta bertan ere izango da John Clark, bere aitarekin hainbeste partidatan egon zen bezala. Lehenago, larunbat gauean, Klubak gonbidatuei ongietorriko instituzio-afaria eskainiko die Ibaiganen.
Zalantzarik gabe emozioz betetako arratsaldea izango da, gorengo maila neurketa amaitutakoan helduko baita; izan ere, Athletic Clubek eta zaleek San Mamesi agur esango dioten hiru lehoiri omenaldia egingo diete: Mikel Rico, Ander Iturraspe eta Markel Susaeta, taldearen kapitaina.