Erika Vazquezek, Andrea Sierrak eta Andere Leguinak Athletic Clubekin berritu dute

Athletic Clubek beste bi urte luzatu ditu Andrea Sierra eta Erika Vazquezen kontratuak, eta urte bat Andere Leguinarena.

Erika Vazquez aurrelari nafarrak beste bi urte luzatu du kontratua Athletic Clubekin, 2020/21 denboraldi amaierararte alegia. Erasoko jokalari nafarra 2004/05 denboraldian iritsi zen Lezamara, eta RCD Espanyol-en deboraldi bat jokatu ostean 2011/12an berriro jantzi zuen elastiko zuri-gorria. Bere kirol ibilbide arrakastatsuan 14 denboralditan aritu da Athletic Clubekin, 378 partida jokatu ditu eta 257 gol erdietsi ditu. Hori gutxi ez balitz Erika Vazquezek 2004/05, 2006/07 eta 2015/16 denboraldietako Liga txapelketak irabazi zituen.

Bestalde Andrea Sierra atzelari bilbotarrak ere 2020/21 denboraldirarte Athletic Cluben jarraituko du. Duela sei denboraldi iritsi zen Lezamara eta ordutik honak 43 neurketa jokatu ditu lehen taldeko elastiko zuri-gorriarekin.

Azkenik, Andere Leguina atezain getxoztarrak ere beste urte bete luzatu du Athletic Clubekin duen kontratua, 2019/20 denboraldirarte alegia. Lezamako atepean hamaika denboralditan zehar 44 partida jokatzeaz gain 2003/04 eta 2006/07ko Liga txapelketak irabazi ditu Athletic Clubekin.

Erika Vazquezek 2020/21 denboraldirarte berritu du
Postua: aurrelaria
Lezaman: 2004/05 denboralditik
Denboraldi honetan: 22 partida eta 6 gol

Andrea Sierrak 2020/21. denboraldirarte berritu du
Postua: atzelaria
Lezaman: 2014/15 denboralditik
Denboraldi honetan: 21 partida

Andere Leguinak 2019/20. denboraldirarte berritu du
Postua: atezaina
Lezaman: 2006/07 denboralditik
Denboraldi honetan: 7 partida