Lagunartekoa West Ham Uniteden aurka

Athletic Clubek West Ham United FC izango du aurrez aurre lagunarteko batean datorren abuztuaren 3an, larunbatean, 16:00etatik aurrera (15:00etan ordu britainiarra).

Denboraldi-aurreko neurketa hau London Stadium-ean jokatuko da, 2012ko Londreseko Joko Olinpikoetako estadio nagusia izandakoa, eta aipaturiko talde ingelesaren egoitza 2016/17az geroztik.

Amaitu berri den denboraldian, “The Hammers” (“mailuak”) ezizeneko taldea hamargarren postuan sailkatu da Premier Leaguen, besteak beste LaLigatik ezagunak diren Pablo Zabaleta, Chicharito Hernandez, edo Nasri  jokalariekin.