Bakuva proiektua: denboraldi amaierako festa

Bakuvaren benjamin, kimu eta haur mailetako 50 neska-mutil inguruk, Athletic Club Fundazioaren entrenatzaile eta teknikariez lagunduta, denboraldi amaieraren urteroko jaia ospatu dute gaur ostegunean Ibaiganen. 2013az geroztik, Athletic Club Fundazioa Bakuva http://bakuva.org/?utm_source=athletic-club.eus&utm_medium=referral&utm_campaign=actualidad-athletic-club&utm_content=bakuva-proiektua-denboraldi-amaierako-festa Elkartearekin elkarlanean ari da, gizarte-bazterketa arriskuan dauden Bilbo Zaharra inguruko adingabeen gizarteratze osoan laguntzeko.

Bakuva taldeek eskola-lehiaketetan hartzen dute parte, eta astean birritan Bilbao Kirolak-ek lagatzen dituen kirol instalazioetan lan saioak burutzen dituzte Athletic Cluben entrenatzaile boluntarioen eta Fundazioko teknikarien zuzendaritzapean. Etxeko neurketak Lezaman jokatzen dituzte.

Cristina Bilbao Bakuva Elkartearen Kirol Koordinatzaileak aipatu duenez, “Athletic Fundazioari esker sartutako futbolaren jarduera osagarri aproposa izan da haurrei futbolean aritzea ilusio handia egin dielako. Lezamara joan ahal izatea eta Fundazioaren eta Athleticen entrenatzaileekin aritzea luxu handia da, eta egia esan poz-pozik gaude, eta haurrak ere liluratuta.”