Animazio Harmaila berrirako lehen urratsa

Behe Ipar Harmaileko 107 eta 108 blokeetako 1. eta 10. iladen artean kokatutako bazkideei egindako zenbait proposamenekin hasiko da.

Athletic Clubek, San Mamesen giro aparta sortzeko eta Athletic zale gazteriari bertan sartzeko erraztasunak emateko asmoz, Behe Ipar Harmailan animazio gune berria eraikitzeko prozesua abian jarriko du. Zelaiko gune honetan hutsik dauden jarlekuen batuketa da ekimenaren asmoa Gazte Abonoak dituztenen helduera errazteaz gain, hurrengo denboraldietan animazioa sustatzeko.

Lehenengo eta behin, 107 eta 108 blokeetako (atearen atzean) 1. eta 10. iladen artean kokatutako bazkideei proiektuan parte hartzea proposatuko da ondorengo aukera hauekin:

1. Lehenengo aukera oraingo jarlekuan segitzea da, gune horretan sartuko diren gazteen ondoan.
2. Estadioaren jarleku baliokide batera aldatzeko lehentasuna izatea hurrengo denboraldiari begira.
3. Jarlekuen aldaketa prozesuan lehentasunez parte hartzea hurrengo hiru denboraldietan zehar.
4. Prezio berezian denboraldi batean zehar Hego eraztunean kokatzea behin betiko jarlekua aukeratu arte, hiru urteko epean asko jota.

Klubak jarleku hauen bazkide guztiei telefonoz deituko die hitzorduak adosteko eta kasu bakoitza banan-banan aztertzeko.

Era berean, Behe Ipar Harmaileko beste edozein bazkidek une honetatik hasita prozesuan sartzea eskatu dezake, eta antzinatasunaren arabera aukeratzeko lehentasuna izango dute. Interesadunek 94 406 18 98 telefono zenbakira dei dezakete, 8:30etatik 14:30etara, edo harremanetan jarri Klubako web orrialdearen Bazkideen Txokoaren atalaren bitartez.

2019-20, 2020-21 eta 2021-22 denboraldietako jarleku aldaketen hurrengo prozesuetan zehar, Behe Ipar Harmaileko bazkideek lehentasuna izango dute.