Larra: “Gure jokoa proposatuko dugu”

Athletic Clubek Lezaman entrenamendua ateak irekita egin ostean, Gaizka Larrazabal prentsaurrekoan azaldu da Deportivo Alavesen aurkako partidurako lau egun falta direla. ‘11’ zuri-gorriak onartu duenez, talde gasteiztarra “agian ez du baloiarekin arrisku handirik egiten” Barcelona edo Real Sociedad taldeek egiten duten bezala, San Mamesen Liga honetako aurreko aurkariak, baina lehiaketaren hasieran erakutsitakoarekin segitzearen alde egin du: “Egiten ari garenaren ideiarekin segituko dugu, bizitasun hori eta erritmo hori markatuz aurkariari ahultzeko. Eta sufritzea egokitzen denean, momentu txarrak beti daudelako, elkarturik egon aurrean dugunekin kontraerasoan kalte egiteko. Gure jokoa proposatuko dugu, eta dakigun moduan jokatuko dugu. Barça eta Realaren aurka egin genuena errepikatu ahal izango dugu, oso ziur nago”.

Larrak Getaferen aurka etxetik at jokatutako partiduan debutatu zuen, eta anbizio handiarekin agertu da taldean duen zereginari dagokionez: “San Mameseko bi partidetan beroketak egitera irten naiz eta etxean debutatzeko gogotsu nago. Lehenago edo beranduago helduko dela badakit. Misterrak lantaldean jokalari desberdina naizela inoiz esan dit, leherkorra eta indartsua, eta horregatik ekarpen handia egin dezakedala uste dut. Ez dut mugarik jartzen,  ezin naiz edozerekin konforme egon. Badakit jokalari asko garela eta oso balioaniztunak, baina hamaikakoan sartzea eta ahalik eta minutu gehien jokatzea da nire asmoa eta horretarako borrokatuko dut”.