Unzué: “Maila berean entrenatzen jarraituko dugu”
Unzué: “Maila berean entrenatzen jarraituko dugu”
Erdilaria jakitun da taldeak hilabete igaroko duela lehiatu gabe: “Min hartuta daudenak berreskuratzeko lan egingo dugu, baita geldialdiak gugan eragin txarrik ez izateko ere”
Athletic Cluben emakumezkoen lehen taldeak Lezaman egin duen entrenamenduaren aurretik klubari egindako adierazpenetan, Marta Unzuek iritzia eman du hurrengo bi asteetan txapelketa atzeratzeko erabakiaren inguruan: “Ezustean harrapatu gaituen ezohiko egoera da. Ia hilabete pasatuko dugu lehiatu gabe, baina maila berean entrenatzen jarraituko dugu. Taldea ondo zegoen gelditu aurretik, eta, beraz, lesionatuak berreskuratzeko eta geldialdiak guri ez eragiteko lan egingo dugu“.
Athleticek Erreginaren Kopako finalerdia jokatu behar zuen martxoaren 18an (asteazkena) EDF Logroñoren aurka, baina Espainiako Futbol Federazioak atzeratu egin du partida hori, gizonezkoen Lehen eta Bigarren Mailan izan ezik, lehiaketa guztietan jarduera etetea erabaki baitu: “Gure ustez, harmailetan publikoa egoteko bezlaako partida da. Kopako finalerdia da, eta jendea prestatzen ari zen Logroñora gu ikustera joan ahal izateko. Laster horrela jokatu ahal izatea espero dugu”, adierazi du erdilari zuri-gorriak.