Thinking Football-eko bitxiak (II): “Looking for Eric”

Ken Loach zine zuzendari ospetsuak (Nuneaton, 1936) “Looking for Eric” (“Ericen bila”) filma zuzendu zuen 2009an. Urte hartan Cannesen Epaimahai Ekumenikoaren saria jaso zuen eta futbolaren inguruan inoiz egindako filmik onenetakoa zela iritzi zion kritikak. Ohiko kolaboratzailea den Paul Lavertyk idatzi zuen gizatasunez betetako komedia horren gidoia. Futbola da gai nagusia, dudarik gabe, baina film osoa zinemaren harribitxi bat ere bada. 2014ko Thinking Football edizioan eman zen, ekitaldi berezi moduan. Edizio hartan “Next goal wins” britaniar pelikula izan zen irabazle (Mike Brett eta Steve Jamison, 2014).

Eric Cantona futbolari ohi frantsesak “Los rebeldes del fútbol” dokumentala aurkeztu zuen, 2013ko Thinking Football edizioaren Publikoaren Sariaren irabazlea, baina “Looking for Eric” filmean harago joan zen eta bere burua interpretatu zuen, krisi sasoian laguntasunak duen garrantziaz hitz egiten duen fikziozko film honetan.

Ken Loach mundu osoko zine zuzendaririk arrakastatsuenetako bat da. Hogeita hamar film baino gehiago egin ditu, eta izendapen eta sari ugari jaso ditu –azken Zinemaldian, “Sorry, we missed you” (2019) filmak Publikoaren Saria jaso zuen–; horien artean, Canneseko Urrezko bi Sari “Yo, Daniel Blake” (2016) eta “El viento que agita la cebada” (2006) lanengatik. Bere pelikula batzuk oso ospetsuak izan dira, hala nola “Agenda Oculta” (1990), “Riff-Raff” (1990), “Lloviendo piedras” (1993), edo “Ladybird Ladybird” (1994). Futbolaren inguruko erreferentziak ugariak dira bere lanen artean, bereziki, honako filmetan: “Kes” (1969), “Mi nombre es Joe” (1998) eta, noski, gure gaurko gomendioan: “Looking for Eric” (2009).

? Ikusgai:

• MovistarPlus
• Prime Video
• Filmin