Aspeko Peñen Nazioarteko Kongresua 2021ean izango da
Aspeko Peñen Nazioarteko Kongresua 2021ean izango da
Peñazaleen eta zaleen presentzia bermatzen duen data zehatzen bat finkatzea ezinezkoa denez, Athletic Clubeko Peñen Federazioak urteko bilera datorren urtera aldatzea erabaki du, Alacanteko herrian bertan
Garrantzitsuena osasuna eta segurtasuna dira. Gero beste guztia etorriko da. Hala ere, Athletic Clubeko Peñen XLVIII. Biltzarra Aspen egingo dela baieztatu dezakegu. Koronabirusak eragindako krisiak, hasiera batean, maiatzaren 1, 2 eta 3rako aurreikusita zegoen hitzordua atzeratzera behartu zuen. Azkenik, Athletic Clubeko Peñen Nazioarteko Federazioak jakinarazi du 2020koa bertan behera geratuko dela, ez baita aurreikusi asistentzia mugatua ez den ekitaldi baten garapena berma dezakeen datarik.
Beraz, hitzordua 2021ean izango da Aspen, oraindik zehaztu gabeko data batean. Peña zuri-gorriek keinu bat egin nahi izan dute Aspeko El Chopo Peñarekin eta Alacanteko herri horretako udalarekin, azken hilabeteetan Kongresua antolatzeko egindako ahalegin handia egin eta gero.
Era berean, erabaki horrek Barbolla, La Segoviana eta Las Navaseko peñek Segovian antolatuko duten Kongresua 2022ra aldatzea ekarri du.