Ipuruako azken Athletic – Eibar
Lehen taldea

Ipuruako azken Athletic – Eibar

Williamsek Charlesen hasierako gola berdindu zuen lehoien jokaldi on baten ondoren, eta behin betiko berdinketa ezarri zuen markagailuan

Ipuruako azken Athletic – Eibar
Ipuruako azken Athletic – Eibar
2020ko eka. 15a

Eibarrek eta Athleticek elkarren aurka jokatu zuten Ipuruan iragan denboraldiko 9. jardunaldian, 2018ko urriaren 21ean. Armaginek eta lehoiek bana egin zuten joko gutxiko derbian eta lehen zatiko bi jokaldi isolatuk erabaki zuten partidako azken emaitza.

Charlesek, penaltiz, etxeko taldea aurreratu zuen partidako 17. minutuan, eta Iñaki Williamsek 1-1ekoa jarri zuen sei minutu geroago, lehoien erreakzio azkarrari esker. Horrela, Athleticek hirugarren partida bideratu zuen San Mamesetik urrun porrota ezagutu gabe.

Partida haren laburpena ez da eskatuenen artean agertuko futboleko arratsalde handiak gogora ekarri nahi dituztenentzat, baina zenbait xehetasun interesgarri utzi zituen, gogoratzea merezi dutenak.

Lehenengoa, VARaren jarduna, Eibarrek markagailuan aurrea hartzeko penaltia erabaki zuena. Epaileak ez zuen Iñigo Martinezek Sergi Enricheri area barruan egindako falta ikusi, jokaldiak aurrera jarraitu zuen harik eta, handik gutxira, epaileak VAR aretoko arduradunarekin hitz egin zuen arte. Eibarrentzat penaltia eta gola.

Gure lehoien golak ere gogoratzea merezi du. Toto Berizzoren Athleticek berehala erreakzionatu zuen eta hiru ukituekin eta Williamsen definizio bikain batekin partida berdindu zuen jokaldi azkar batean. Herrerinek luze atera, Adurizek orraztu, Raul Garciak buruz lagundu eta Williamsek bi ukituetan egokitu eta ez zuen barkatu Asier Riesgoren aurrean.

+
Informazio gehigarria
GaleriakBestelako galeriakBideoakAudioakAtxikitutakoakFitxakLoturak