Lehen taldea lanera itzuli da gaur Lezaman

Lehen taldeak 24 jokalariko banakako saioarekin hasi du denboraldi-aurrea Lezaman. Entrenamendua arratsaldeko bostetan hasi da, zuri-gorriek banan-banan ekin ahal izateko. Ligaren protokoloak ezartzen du talde-saioak bi PCR emaitza negatibo daudenean bakarrik has daitezkeela. Hori dela eta, larunbatean bertan -taldeak saio bikoitza egingo du- taldean entrenatu ahal izatea espero da. Gaur entrenatu diren jokalariek bihar, ostirala, egingo dituzten testak ezagutu ondoren.

Herrerin, Simon, Jokin Ezkieta, Iñigo Martinez, Yeray, Yuri, Iñigo Lekue, De Marcos, Capa, Balenziaga, Muniain, Dani Garcia, Raul Garcia, Kenan Kodro, Ibai, Guruzeta, Vesga, Villalibre, Iñigo Vicente, Vencedor, Areso, Zarraga eta Morcillo jokalariak egon dira entrenamenduan. Horiekin batera, Ander Iru harrobiko atezainak osatu du zerrenda, aurreko denboraldian lehen taldearekin hainbat entrenamendu egin ostean.

Bestalde, Peru Nolaskoainek errekuperazio saio bat egin du eskuin orkatilan minduta baitago.