Beste partidatxo bat prestakuntzarekin jarraitzeko
Emakumezkoena

Beste partidatxo bat prestakuntzarekin jarraitzeko

Duela bi aste gertatu zen bezala, A eta B taldeetako jokalariek elkarren aurka jokatu dute entrenamendu saioan

Beste partidatxo bat prestakuntzarekin jarraitzeko
Beste partidatxo bat prestakuntzarekin jarraitzeko
2020ko abu. 30a

Emakumezkoen lehen taldeak bere bigarren taldearen aurka jokatu du Lezaman, ateak itxita gaur goizean berriz ere. Horrela, bi taldeek beste astebeteko prestaketa lana amaitu dute, Primera eta Reto Iberdrola txapelketak noiz hasiko diren jakiteko zain. Partida Angel Villacampak zuzendutako taldearen aldeko 5-0eko emaitzarekin bukatu da, duela bi aste gertatu zen bezala.

Eguzkiari bide emateko oso deseroso hasi den goizan, bi taldeek lehiaketa errealaren antzeko egoeretara hurbiltzeko aprobetxatu dute. Amaia Peña, Nerea Nevado, Bibiane Schulze, Naroa Uriarte, Oihane Hernandez, Alejandra Estefania, Jone Ibañez, Erika Vazquez, Yulema Corres eta Lucia Garcia egon dira lehen taldeko hasierako hamaikakoan. Bost goletatik lau lehen zatian iritsi dira, Yulema, Lucia eta Erikaren eskutik, azken honek bi gol sartuta.

Bigarren zatian, Bibianek zelaian jarraitu du eta Estefak ere minutu batzuk jokatu ditu berriro lehen taldearekin. Lehen taldearekin Paula Aranak eta Leyre Monentek ere parte hartu dute. Bitartean, Ane Elexpuru eta Clara Pinedo gazteak Iraia Iturregiren taldera itzuli dira. Oihane Valdezatek bosgarren gola sartu du Lehen Mailako taldearentzat. Atezainei dagokienez, Andrea de la Navak bigarren taldearekin jokatu du eta Anderek lehen taldearekin.

Gaurko beste protagonista Sophie Istillart izan da, denboraldi-aurreko lagunarteko partida izatera iritsi ez den arren, bigarren zatian debuta egin baitu zelai erdian. Maria Diazek eta Garazi Muruak ez dute partida jokatu, aste honetako arazo fisikoak izaten jarraitzen baitute.

+
Informazio gehigarria