San Mames piztu egin zen Fibrosi Kistikoaren Egunean

Athletic Clubek Fibrosi Kistikoaren Egunean parte hartu nahi izan zuen San Mames argiztatuz gaitz kroniko honen kontzientziazio eta informazio jardunaldi batean. Duela 7 urte, Fibrosi Kistikoaren Nazioarteko Elkarteak irailaren 8a gaixotasun horren inguruko hausnarketarako egun gisa kokatu zuen egutegian.

Gaitz honek arnas sistemari eta digestio-sistemari eragiten die, batez ere biriketan, gibelean edo pankrean. Ikertzaileek azken urteotan medikuntzan aurrerapen handiak egin dituzten arren, patologiak sendatu gabe jarraitzen du, gaixoaren osasuna baldintzatzen du eta bizi-itxaropena mugatzen du.