Harrobikoak, jauzia emateko prest

Athletic Clubeko emakumezkoen lehen taldea uztailaren 20an hasi zenetik, 9 izan dira Ángel Villlacampak erabilitako filialeko jokalariak. Entrenatzaileak Naroa Uriarte, Nerea Nevado, Mariana Cerro eta Bibiane Schulze deitu zituen hasieratik, eta handik egun gutxira beste batzuk gehitu zituen: Leyre Monente, Paula Arana, Clara Pinedo, Alejandra Estefania eta Ane Elexpururekin. Ez da kasualitatea gazte hauek lehen taldeko entrenatzailearen arreta erakarri izana, Lezaman izan duten ibilbidearengatik eta, kasu gehienetan, Espainiako selekzioko beheko kategorietan izan duten presentziagatik.

Lehen taldean esperientzia dutenak

Hauetako hiru neskek badakite lehen taldearekin minutuak jokatzea zer den, eta oroimenean gordetzen dute debutaren data:

Leyre Monente: 2000. urtean jaioa, Logroñokoa; 2016ko azaroan egin zuen debuta, Joseba Aguirreren eskutik. Azken urteetan Lehen Mailarako jauzia eman duen jokalari gazteenetako bat izan zen. 16 urte eta 8 hilabete zituela, 16-17 denboraldiko hiru partidetetan parte hartu zuen. Hala ere, 2017ko urrian belauneko lesio larri batek bere progresioa eten zuen. Errioxarra, Espainiako Selekzioaren beheko kategorietan ohikoa dena, urte osoa jokatu gabe egon ondoren, 2018ko urrian agertu zen berriro filialarekin, eta urte bikaina egin zuen, ligako 13 partidatan 7 gol sartuz. Denboraldi-aurrea lehen taldearekin, kasu honetan Angel Villacamparekin, egitera eraman zuen, Leyre Boltañan stagerako deitu zuena. Monente lesionatu egin zen Medina de Pomarren izandako lagunarteko partida batean. Oraingoan sorbalda luxazioak mindu zuen eta berriro ere ebakuntza-gelatik pasatzera behartu zuen. Hori dela eta, ezin izan zuen parte hartu 19-20an Iraia Iturregirekin. Arazo fisikoak gaindituta, Monentek jokalari handiak (Erika, Lucia, Nekane, Yulema, Azkona…) lursail erasokor batean ekarpena egin nahi du.

Nerea Nevado: Santurtziarra, 2001ean jaioa, Lehen Mailan debuta egitea zer den ere badaki. 2018ko irailean egin zuen, 17 urterekin, Atletico Madrilen aurka, Lezaman. Nerea zelairatu zen Maite Oroz belauna lesionatu zuenean. 2018ko abenduan, Naroa Uriarte eta Paula Aranarekin batera, Nevadok 17 urtez azpiko Munduko Txapelketa irabazi zuen Espainiako selekzioarekin, eta presentzia handia izan zuen txapelketa hartan. 18-19ko azken txanpan, Nevadok minutu gehiago izan zituen eta gol bat sartu zuen Primera Iberdrolan. Lehen taldearekin zenbait denboraldi-aurre egin ondoren, “Lilo”, taldean duen goitizena, Lehen Mailan finkatu nahi du. Ezkerrak egin zuen denboraldi-aurreko lehen lagunarteko partidako garaipenaren goletako bat.

Naroa Uriarte: Debuta egin duen Lezamatik pasa den azken jolakaria izan da. Bakiotarrak minutu batzuk jokatu zituen iragan otsailean Sevillan Real Betisen aurka. Villacampak ligaren zati batean deitu zuen, non lehoiak memento onenean zeuden. Bitartean, Iturregiren filialarekin, Naroak ia dena jokatzen zuen. Reto Iberdrolaren taldearen jokalari garrantzitsuenetako bat izan zen joan den ikasturtean. 19 urteko erdiko atzelariak baloi jaurtiketa ona eta irteera ona ditu atzetik. Entrenatzaileak sendotasuna eta oldarkortasuna lantzen ditu berarekin… defentsek zalantzarik gabe denboraren poderioz bereganatzen dituzten bertuteak.

Debuta egiteko hautagaiak

Debuta egin nahi duten 6 jokalari daude. 20-21 denboraldiko egutegia inoiz baino zorrotzagoa izango denez, eta  bost aldaketa ahalbidetuko direnez, aukera asko izango dituzte.

Paula Arana: 2001ekoak lehen taldearekin lan oso trebea egin du denboraldi-aurrean. Gasteiztarra erasotzailea fina eta altua da, ondo mugitzen da espazioak sortuz eta goleatzaile usaimena du. Gasteizko Aurreratik dator, eta maila oso konstantea daramatza zuri-gorri gisa, Lezaman egindako bi denboraldietan 8 gol sartuta, erasoan freskotasuna eman dio taldeari.

Bibiane Schulze: Frankfurtetik etorri zen joan den udan. Iraia Iturregik ezker hegalean zein erdiko atzelari postuan kokatu zuen. Eskarmentuduna da jada eta egoera fisiko ona du. Gimbert edo Eunate bezalako erreferenteak ditu atzean, eta bere lehen denboraldi-aurrean Villacampa konbentzitu nahi du elitean lehoi bezala debuta egiteko.

Mariana Cerro: erdilaria hirugarren denboraldi-aurrean parte hartzen ari da lehen taldearekin. Bere ahalmen fisikoa zelai erdian duen bertuterik handienetako bat da. Osasunatik iritsi zen, 18-19an, eta bere lehen urtean 13 gol sartu zituen 31 partidatan. Iazko ikasturtea finkoa izan zen Iraia Iturregirentzat. Zizurkoa denboraldi-aurre honetan ari da lanean, azkenean debuta egiteko ametsa lortu ahal izateko.

Estefa: taldeko gaztenak 17 urte bete berri ditu. Logroñon jaioa, Alejandra garrantzia hartzera deitua dago pixkanaka-pixkanaka zelai erdiko sormen arloan. Gaztea izan arren, Estefak nortasun handia erakusten du zelaian, eta kalitatea ematen ari da lehen taldearen denboraldi-aurre luze honetan. Espainiako selekzioaren deialdietan finkoa da.

Ane Elexpuru: Indautxuko Jesuitetan hezia, Lezamara etorri zen 18-19an Bizkerretik igaro ondoren, 15 urte besterik ez zituela. Orain, 17rekin, lehen taldearekin lagunarteko batean jokatu ditu bere lehen minutuak. Jokalari polibalentea eta hobetzeko tarte handia duena, 17 urtez azpiko selekzioan finkoa da, beste harrobiko batzuekin batera, hala nola Estefa, Amaia Martinez, Clara Pinedo eta Maite Zubietarekin.

Clara Pinedo:  zelai erdian funtsezkoa den beste pieza bat da filialarentzat. 17 urte bete berritan, disziplina taktiko eta langile handiko jokalaria da. Hobetzeko tarte handia du, eta aurten Reto Iberdrolan, Irene Ogizaren senda-agiriaren zain, filialaren funtsezko pizetako bat izan da, lehen taldearen balizko dei baterako beti prest.