X. Euskal Herria Kopa Urritxen erabakiko da
X. Euskal Herria Kopa Urritxen erabakiko da
Athletic Clubek eta Realak titulua lortzeko lehian parte hartuko dute bihar Zornotzan
Bihar igandea, 16:00etatik aurrera, Urritxeko zelaian (Zornotza) Euskal Herria Koparen X. edizioaren finala jokatuko da. Athleticek Reala izango du aurkari, txuri-urdinek finalerdietan CA Osasunaren aurka 2-0 irabazi ostean. Bestalde, zuri-gorriek 4-0 irabazi zuten SD Eibarren aurka. Orain arteko bederatzi finaletan izan dira zuri-gorriak eta txuri-urdinak, eta horietako zazpi lehoiek irabazi dituzte.
Izan ere, Athletic Club eta Reala izan dira Euskal Herriko emakumezkoen futbolararen hitzordu honetako bi finalista historiko bakarrak. Lehenengo edizioa 2011ko abuztuan izan zen eta bilbotarrek 4-1 irabazi zieten Bakion. Hurrengo edizioan, 2012koa, garaile atera zen Reala Loinazen (Beasain), 2-0 irabazita. Hurrengo urteetan Athletic izan da hitzorduaren irabazle argia, 6 final jarraian irabazita.
Hala ere, 2019ko abuztuan, txuri-urdinek zurigorrien bolada etetea lortu zuten eta bigarren EH Kopa altxatu zuten, Villacamparen neskei 3-0 irabazita Azpeitian. Bederatzi final jokatu dira, eta Realak bere bi Kopa bakarrak finala Gipuzkoan jokatu denean irabazi ditu. Biharko finala Urritxen jokatuko da, zornotzan, 2018ko finalean Athleticek Realari 5-1 irabazi zion toki berean.
EUSKAL HERRIA KOPAREN EDIZIOAK
- 2011- Bakio : Athletic Club 4–1 Real Sociedad
- 2012- Beasain: Real Sociedad 2–0 Athletic Club
- 2013- Azpeitia: Athletic Club 1-0 Real Sociedad
- 2014- Bilbao: Athletic Club 3–1 Real Sociedad
- 2015- Zarautz: Athletic Club 1-0 Real Sociedad
- 2016- Gernika: Athletic Club 3-0 Real Sociedad
- 2017- Elgoibar: Athletic Club 3-0 Real Sociedad
- 2018- Zornotza: Athletic Club 5-1 Real Sociedad
- 2019- Azpeitia: Real Sociedad 3–0 Athletic Club
Azken entsegu orokorra, ligako estreinaldia baino lehen
Derbi klasiko honetarako, denboraldi honetan gutxienez beste bi aldiz errepikatuko dena, Angel Villacampak SD Eibarren aurkako deialdi bera errepikatuko du, Oihane Hernandez izan ezik, arazo fisikoen ondorioz.
Lehoiek Lezaman Deportivo Abancaren aurka Primera Iberdrola 2020/2021ko estreinaldiko partida hasi baino aste bete lehenago jokatuko dute EH Kopako finala.