Kontratua berriztu eta lehen taldera igo da Naroa Uriarte
Emakumezkoena

Kontratua berriztu eta lehen taldera igo da Naroa Uriarte

19 urteko atzelariak 2023ko ekainera arte luzatu du kontratua eta 5 zenbakia izango du bizkarrean Villacamparen aginduetara

Kontratua berriztu eta lehen taldera igo da Naroa Uriarte
Kontratua berriztu eta lehen taldera igo da Naroa Uriarte
2020ko ira. 29a

Naroa Uriarte Athleticeko jokalaria eskubide osoko lehoia da. Defentsak (19 urte) Angel Villacamparen agindupean burutu du denboraldi-aurre osoa, eta lehen taldean postu bat lortzeko nahikoa argudio eman dizkio. Bakioko erdiko atzelariak, gainera, 2023ko ekainera arte luzatu du klubarekin duen kontratua.

Naroak otsailean egin zuen debuta Primera Iberdrolan, Sevillan, Real Betisen aurka, 21. jardunaldian, Boltañako denboraldi-aurrea lehen taldearekin egin ondoren. Defentsa funtsezkoa izan zen Iraia Iturregiren bigarren taldearentzat iaz, 21 partida jokatu eta hiru gol sartu baitzituen. Orain, Azkonak, Valdezatek eta Oihanek iaz egin zuten bezala, Naroa Uriartek behin betiko maila-jauzia egin du eta “5” zenbakia izango du bizkarrean; dortsal hori libre geratu zen Ainhoa Alvarez atzelaria erretiratu ondoren.

Bizkaitarra 2016-2017 denboraldian iritsi zen Lezamara, Bizkerretik. Lau denboraldietan, jokalari erregularra izan da, eta Espainiako selekzioko beheko mailetan aritu da. Hain zuzen ere, Paula Arana eta Nerea Nevado Emakumezkoen B taldeko beste jokalari batzuekin batera, biak lehen taldeko dinamikan, 17 urte azpiko Munduko Txapelketa lortu zuen Uruguain, 2018an.

Jokalari gaztea erdiko atzelari lanetan aritzen da, eta gaitasun handiak ditu: aurrea hartzea, sendotasuna, baloia ondo mugitzea… 19 urterekin, oraina eta etorkizuna da Athleticen emakumezkoen atalean.

+
Informazio gehigarria
GaleriakBestelako galeriakBideoakAudioakAtxikitutakoakFitxakLoturak