Athleticek ez du etxean jasan Cadizen aurkako porrotik Ligan

Athletic Clubek San Mamesen jokatuko du gaur Cadizen aurka. Ligako norgehiagokak oroitzapen onak dakarzkie zale zurigorriei: Cadizeko taldeak ez du inoiz irabazi San Mamesen, Ligan. Zelai zurigorrian jokatu dituzten hamahiru partidetatik, lehoiek hamaika irabazi dituzte eta bi partida berdinketarekin amaitu dira. Andaluziako taldea golik sartu gabe geratu da hamahiru bisita horietatik zortzitan (bost gol baino ez ditu sartu).

Ligako lehen partida 1977-78 denboraldian jokatu zen San Mamesen: lehoiek emaitza hoberena lortu zuten andaluziarren aurka markagailua 6-1ean utzita, Dani eta Argoteren bikoteekin eta Goikoetxea eta Carlosen golekin.

Cadizek Katedraletik puntu bat atera zuen azken norgehiagoka 1987-88 denboraldian izan zen, partida golik gabe amaitu ondoren.

Azken norgehiagokan zalaparta handiak bizi izan ziren Katedralean. Athleticek 1-0 irabazi zuen 2005/06 denboraldian, Tikok luzapenean sartutako penalti jaurtiketa bati esker.