Lucia Garciaren hasiera onena

Denboraldia bikain hasi du emakumezkoen lehen taldeak: bi garaipen eta berdinketa bat lehen hiru jardunaldietan. Hasiera ona izan da, eta Lucia Garcia aurrelari zuri-gorriak hiru gol sartu ditu bi neurketetan. Aurrelatiak, Eunate eta Morazarekin batera Espainiako selekzioarekin aste honetan, ez zuen parte hartu Deportivo Abancaren aurkako lehen jardunaldian, baina bai Primera Iberdrolaren ondorengo bi norgehiagoketan. Bigarren jardunaldian, Sevillaren aurka bi gol lortu zituen (biak, ezker hankarekin), eta igandean berriro atea ikusi zuen Betisen aurka Lezaman. Liga hasiera batean, lehoien ’17 ‘ak ez zuen inoiz lortu hiru gol sartzea hain denbora tarte txikian.

Zenbaki positibo hauekin, lehoia txapelketako golegileen zerrendako lehen postuetan dago, Estherren atzetik (Levante UD ,4 gol) eta Alexia Putellasekin berdinduta (3 gol).

23 gol azken bi urteetan

Lucia Garcia 2016ko irailean iritsi zen Lezamara, eta Albacete Fundazioaren aurka debuta egunean gola sartu zuen. Lehen denboraldi horretan 5 gol lortu zituen. Kopuru horrek hobera egin zuen hurrengo ikasturtean, 7 gol lortuz (4 ligan eta 3 Kopan). 2018/19 denboraldian “doblete” bat sinatu zuen hirugarren jardunaldian Realaren aurka eta orain arteko markarik onena sinatu zuen: 13 gol. 2019/20an, martxoan pandemiak eten zuenean, Luciak 10 goletan utzi zuen bere marka (9 ligan eta 1 Kopan), zalantzarik gabe bere erregistrorik onenera hurbilduko zuen sasoi batekin.