Etenaldia hilabeterik zorrotzena baino lehen

Nazioarteko konpromisoak direla eta (Morazak eta Eunatek joka dezakete gaur Espainiako selekzioarekin Txekiar Errepublikaren aurka) asteburu honetan liga txapelketa eten da, lehoientzako partidaz betetako azaro baten aurretik. Aste honetan zehar Lezaman egindako entrenamenduetan jokalari ugari falta dira: selekzioekin dauden jokalariak, Lucia Garcia bertatik bueltatu dena giharretako lesioa dela eta; lesionatuta daudenak, osatze-prozesua bizkortzeko aprobetxatu dutenak; eta bigarren taldeko jokalariek, igandean (11:00) Espanyol B-ko zelaian jokatu beharreko partida prestatzeko lan egin dutenak.

Orain, lehia bueltatzen denerako mailarik onena bilatzea da gakoa, egutegian gorriz markatutako azaroko hilabete baten atarian. Atsedenaren ostean, talde zuri-gorriak Valentziara bidaiatuko du datorren astean, Valentziaren aurka Primera Iberdrolan jokatzeko, orain arte bederatzi puntuetatik zazpi lortu duen taldearen kontra. Hiru aste gogorrak iritsiko dira orduan, eta bost neurketa izango dituzte lehoiek hurrengo egunetan. Denboraldiaren luzera hain estua izanda, azaroak sei norgehiagoka izango ditu, aste arteko bi jardunaldiekin.

Horrela, zuri-gorriek Madrid CFF hartuko dute azaroaren 4an, asteazkenean, Lezaman, eta ondoren, Bartzelonara joango dira asteburuan, RCD Espanyolen aurka jokatzeko. Lehoiek astearen erdialdean jokatuko dute berriro Lezaman Levante UD taldearen aurka, zazpigarren jardunaldian eta asteburuan Valdebebasen lehen aldiz arituko dira Real Madrilen aurka. Hilabete gogor honi amaiera emateko, Athletic Club-UDG Tenerife neurketa jokatuko du Athleticek 9. jardunaldian Lezaman (azaroaren 22ko asteburuan), hilabeteko azken astean taldeei atsedena eman aurretik, selekzioen neurketengatik, beste geldialdi bat egingo baita.

Primera Iberdrola egutegia, nazioarteko partidengatik egindako etenaldiaren ondoren*:

J.4 – Urriak 31 – Valentzia- Athletic Club
J.5 – Azaroak 4 (asteazkena) – Athletic – Madril CFF
J.6 – Azaroak 8 – RCD Espanyol – Athletic Club
J.7- Azaroak 11 (asteazkena) – Athletic Club – Levante UD
J.8- Azaroak 15 – Real Madril- Athletic Club
J.9- Azaroak 22- Athletic Club- UDG Tenerife

*Eguna eta ordu zehatzak, oraindik zehaztu gabe