“Badakigu Sevillaren aurka irabaztera joan behar dugula”
“Badakigu Sevillaren aurka irabaztera joan behar dugula”
Yeray Alvarezek Lezamako prentsa aretotik entrantzun zituen hedabideen galderak, eta talde andaluziarraren aurkako norgehiagokari begira dago jada: “Kontzentrazio handia izan behar dugu”
Yeray Alvarezek, Athletic Clubeko atzelariak, telematikoki erantzun zien komunikabideen galderei Lezamako prentsa aretotik, talde zuri-gorriak San Mamesen Sevilla FC taldearen aurka jokatuko duen astean (lr. 16:00etan).
Lesioagatik 3., 4. eta 5. jardunaldiak galdu ostean, hamaikakoan egotera itzuli da eta ondo dagoela baieztatu du: “Arlo pertsonalean, hamaikakora itzultzea egokitu zaidanetik, fisikoki ondo moldatzen naiz. Eroso nago Iñigo eta Unairekin jokatzen, baita Capa, Lekue eta Oscar eskuinean edukitzen ere. Oso ondo nago, eta taldea lanean eta hobetzen ari da”.
Osasunaren aurka emaitza negatiboa izan arren, Barakaldokoak konfiantzari eutsi dio: “Taldea entxufatuta ikusten dut, entrenamenduetan sartuta: astean zehar eta partidan zehar. Aurrelariak gola egiteko gogoz ikusten ditut. Atzetik paseak eman eta lagundu diezaiekegu. Fase horretan hobetu behar dugu”.
Sevillaren aurkako hurrengo partidari dagokionez, San Mamesen 16: 00etan, honakoa adierazi du: “Badakigu irabaztera joan behar dugula. Hiru puntuak atera behar ditugu. Berdin dio zein talde dugun aurkari, berdin da partida duten (astegunetan) edo ez. Oso talde konpletua da. Liga oso parekatua dago. Kontzentrazio handia eta asmamen handia izan behar dugu golari begira “.