San Mames urdinez argiztatu da
San Mames urdinez argiztatu da
Gure estadioa birritan argiztatu da aste honetan: Neumoniaren aurkako Nazioarteko Egunagatik eta diabetesa dela eta
Athleticek mundu mailan eragina duten bi gaixotasunen kontzientziazio kanpainekin bat egin nahi izan du aste honetan. Ostegunean, Neumoniaren aurkako Nazioarteko Egunarengatik, eta gaur, diabetesa dela eta, San Mames urdinez argiztatu da.
1991tik aurrera, Osasunaren Mundu Erakundeak (OME) eta Diabetesaren Nazioarteko Federazioak (IDF) Diabetesaren Munduko Eguna sartu zuten egutegian, patologia horrek eragiten dituen kausak, sintomak, tratamendua eta zailtasunak ezagutarazteko. Munduaren inguruko kasuak eta arazoak gehitzen jarraitu duen patologia honek.
Horrela, Athletic Clubek bat egin du diabetesaren nazioarteko komunitatearekin, San Mameseko aurrealdea urdin piztuz. 2020. urterako, IDFk “Erizaintza eta diabetesa” gaia izan du ardatz jardunaldi honetan, eta osasun-arloko profesional horiek diabetesa duten pertsonen zaintzan eta tratamenduan duten garrantzia nabarmendu du.
Bestalde, pneumonia, azken hilabeteetan gure bizitzan hain errepikakorra izaten ari dena koronabirusa agertzearekin batera, gainera, munduan haurren hilkortasunaren kausarik ohikoenetako bat da. Izan ere, 5 urtetik beherako haurren heriotza-kausa nagusia da.
UNICEFen kanpainaren helburua da kasu guztiak prebenitzea, babestea eta behar bezala tratatzea. Bi txerto berri merkaturatzeak aurrerapen handia ekarri du eta XXI. mendean zehar pneumoniak eragindako heriotzen intzidentzia ia erdira murriztu da. Patologia horrek eragindako heriotzen bi heren Saharaz hegoaldeko Afrikan, Indiako Ozeanoan eta Asiako hego-ekialdean banatzen dira.