Athletic, International Safeguards for Children in Sport elkartearen kidea
Athletic, International Safeguards for Children in Sport elkartearen kidea
Aterpe proiektuaren lanari esker, kirolaren esparruan haurrak defendatzeko UNICEF erakundea buru duen nazioarteko ekimen bateko kide berria da
Athletic Club UNICEF buru duen International Safeguards for Children in Sport erakundearen kide berria da, kirolean haurrak babesteari buruzkoa. 2019ko apirilean, Athleticek programa aitzindari bat bultzatu zuen gure futbolean, eta, azkenean, egungo Aterpe Proiektua sortu zen. Orain, gai honen inguruko munduko ekimen garrantzitsuenetako batean parte hartuko du, UNICEF, UK Sport, Swiss Academy for Development, Keeping Children Safe, Child Protection in Sport Unit, Commonwealth Secretariat, WomenWin, Beyond Sport edo Caribbean Sport and Development Agency erakunde nabarmenekin batera.
Sare honetako kide izateak beste testuinguru batzuetako esperientziarekin hobetzeko aukera ematen dio Athleticen lanari, eta, aldi berean, egiten ari dena aintzatesteko balio du. Ekimen honetan parte hartu ahal izateko, Athletic Proiektuak honako puntu hauek garatu ditu bere programan:
• Babes-politika
• Salaketei edo susmoei behar bezala erantzuteko prozedurak
• Zerbitzua eta aholkua
• Arriskuen murrizketa
• Jokabide-arauak
• Prestakuntza eta komunikazioa
• Berrikuspena eta ebaluaketa
Lantalde honen hasierako zereginetako bat kirolean haurrak babesteko estandarrak sortzea izan da, eta horri dagokionez, kirola egiten duten haurrei tratu ona emateko jardunbide egokia izan behar du. Printzipio hauek:
• Kirol-jardunean parte hartzen duten haurren garapenerako giro ona sortzen laguntzen dute.
• Haurrekin zuzenean lan egiten duten profesionalen lanerako tresnak izatea.
• Jardunbide egokiak sustatzea
• Haurrekin kirola egitean egon daitezkeen arriskuak gutxitzea.
• Kirolean haurrak babesteko kultura sortzea