San Mamesen Betisen aurkako boladarekin jarraitzeko aukera

Athletic Clubek Real Betisen aurka jokatuko du datorren astelehenean, azaroaren 23an (21:00etan), 2020-21 LaLigaren hamargarren jardunaldiari amaiera emango dion partidan. Talde zuri-gorriak garaipenaren bidera itzuli nahi izango du San Mamesen, bai historikoki eta baita azken denboraldietan ere, emaitza onak lortu dituen aurkariaren aurrean.

Manuel Pellegriniren taldeak 5 eta 2 galdu zuen Bartzelonaren aurka Camp Noun aurreko jardunaldian, baina sailkapeneko 7. postuan dago kokatuta 12 punturekin, guztira lau garaipen lortuz Alaves, Real Valladolid, Valentzia eta Elxen aurka.

Lehoiek 31 aldiz irabazi diote talde andaluziarrari San Mamesen Ligan, 16 partida berdinketan amaitu dira eta 7 partidetan porrota jaso dute. Azken urteetan, gainera, San Mamesen jokatu diren norgehiagokak garaipenarekin amaitu dira. 2012-13 denboralditik, Athleticek Katedralean 3-5 galdu zuenetik, sei garaipen jarraian lortu dituzte zuri-gorriek, azken hirurak golik jaso gabe.