“Gure poza eta segurtasuna berreskuratu behar ditugu”
“Gure poza eta segurtasuna berreskuratu behar ditugu”
Villacampak 18 jokalari deitu ditu UDG Teneriferen aurka jokatzeko, eta bihar “garaipenaren biila joateko” asmoarekin arituko da
Angel Villacampa Athleticeko entrenatzaileak agerraldia egin du hedabideen aurrean, UDG Teneriferen aurka Lezaman Primera Iberdrolaren bederatzigarren jardunaldian jokatu aurretik. Hiru porroten ondoren, joera aldatu behar da, eta lehoientzat oso ondo hasi zen lehiaketa honetan puntuak lortu. Aurrean, sailkapeneko liderra egongo da: Tenerifeko taldea, dena irabazi duena, galdutako eta berdindutako partida bat izan ezik.
Bere taldearen dinamikari dagokionez, Villacampak esan du “trabatzen gaituzten egoerak hobetu behar ditugu. Batez ere emozioak maneiatzea tokatzen denean. Egoera honetatik atera behar dugu, hori badakigu eta premiazkoena alaitasuna eta gure segurtasuna berreskuratzea da”.
“Porrotak jasotzen ditugun guztietan mingarria da eta suspertzea da helburua. Aste honetan punturik ez izatea gogorra da eta partidaren une batzuetan aurkaria baino gehiago izan gara. Egoera iraultzeko asmoa dugu. Taldeak nahikoa argudio ditu horretarako”, esan du entrenatzaileak.”Lasaitasuna ematen digu taldea entrenatzen ikusteak”.
Biharko aurkariari dagokionez, Villacampak badaki UDG Tenerife bolada onean dagoela: “Aurkari konplexua da, Real Madrilen aurkako lehen jardunaldian bakarrik huts egin du. Emaitza positiboak lortu ditu, eta sailkapenaren goialdean kokatu da. Lehengo urtean, etxean indartsu aritzen zen, eta kanpoan aurpegi ahulagoa zuen; asko hobetu dute. Partida luzea izango da, ez daukat zalantzarik. Kopan luzapenera joan behar izan genuen eta antzeko partida izango da”, esan du Villacampak.
Deialdia 18 jokalarirekin
18 jokalari hauek osatzen dute zerrenda: andrea de la Nava, Amaia Peña, Andrea Sierra, Ainhoa Moraza, Garazi Murua, Oihane Valdezate, Nekane Diez, Maria Diaz, Yulema Corres, Jone Ibañez, Marta Unzue, Oihane Hernandez, Eunate Arraiza, Sophie Istillart, Lucia Garcia, Erika Vazquez, Leyre Monente eta Nerea Nevado.