UDG Tenerife liderra, aurrera egiteko oztopoa

Hiru porroten ondoren zuri-gorriek egoera txarra irauli nahi dute. Lehoiek Levanteren aurka galdu zuten etxean eta Real Madril eta RCD Espanyolen kontra Lezamatik kanpo. Athletic Clubek Primera Iberdrolako liderraren aurka arituko da bihar, 11:00etatik aurrera. UDG Tenerifek bost garaipen lortu ditu jarraian, eta bederatzigarren jardunaldian bolada ona luzatzeko prest egongo da. Villacamparen taldea, aldiz, garaipen baten beharrean da, goiko postuetara hurbiltzeko.

Tenerifeko taldeak bikain hasi du denboraldia eta zenbait partida atzeratu egin direnez, Bartzelonari sailkapeneko lehen postua kentzea lortu du. Francis Diaz entrenatzailea urtarrilean iritsi zen klubera egonkortasuna eskaintzeko taldeari, aurretik hiru entrenatzaile aulkian izan zituelarik. Seigarren denboraldia da Lehen Mailan talde kanariarrarentzat, eta Maria Jose eta Martin Prietoren gola eta lidergoa izaten jarraitzen dute. Harrobiko jokalariez gain, Simpson eta Jordan jokalari estatubatuarrek eta Higuera venezuelarrak ere indartu dute taldea.

Estatistikei dagokienez, ligan Lezaman jokatutako bost partidetatik UDG Tenerifek lau galdu ditu eta garaipena partida bakar batean lortu du, 2017-2018 denboraldian. Bi taldeen arteko azken norgehiagoka Erreginaren Koparen aurreko edizioan izan zen, final-zortzirenetan. Kanporaketa honetan lehoiek garaipena lortu zuten Kanarietako taldea luzapenean 3 eta 0 gainditu ondoren.