Mende honetako gol festa zuri-gorri handienak San Mamesen

Athleticek 4 eta 0 irabazi zion atzo Real Betisi San Mamesen, Gaizka Garitanoren taldea konfiantzaz betetzen duen garaipena lortuz eta Ligako zortzigarren postuan kokatuz. Gol festa aprobetxatuz, Athleticek mende honetan Katedralean Ligan egindako gol-kopuru handiak gogoratu nahi izan ditugu, lau gol edo gehiagoko aldearekin irabazitako partidetan.

Errepasoa kronologikoki hasiz, 2000-01 denboraldiari ekingo diogu, lehoiak 4-0 gailendu baitzitzaizkion Real Oviedori Fran Yesteren bikote bati, eta Javi Gonzalez eta Julen Guerreroren golei esker.

Hiru denboraldi beranduago, 2003-04an, zale zuri-gorriek bi gol festa bizi izan zituzten berriro. Ligako hirugarren jardunaldian Ernesto Valverderen taldeak, Joseba Etxeberriaren eta Ismael Urzaizen bi bikoteekin, Mallorca 4-0 mendean hartu zuen. 33. jardunaldian Zaragoza izan zen biktima, emaitza berdinarekin eta Etxeberriaren, Asier Del Hornoren eta Yesteren bi golekin.

Real Mallorcak gol kopuru berbera jaso zuen hurrengo denboraldian ere: Yesteren bi golek, Santi Ezquerroren batek eta Carlos Gurpeguiren beste batek garaipena eman zuten.

San Mames berriko lehen denboraldiak (2013-14) bi gol kopuru utzi zituen oroitzapenerako: set bat (6-1) Almeriari, eta Mikel Ricok, Ander Herrerak, Laportek, Adurizek eta Ibaik bi gol sartu zituzten. Granada 4-0 garaitua izan zen Adurizen hat-trick bati eta Gurpegiren gol baten bidez.

Hurrengo denboraldian ere bi gol kopuru lortu zituzten lehoiek, biak Ligako azken txanpan. Lehenengoa Getaferen aurka izan zen, 4-0eko emaitzarekin 32. jardunaldian: Ibai, Markel Susaeta eta Aduriz (bi aldiz) izan ziren golegileak. Adurizen beste bi bikote batek, eta Iraolak eta Beñatek LaLigako azken jardunaldian sartutako golei esker, talde zuri-gorriak zazpigarren postuan bukatu zuen denboraldia Vila-reali 4 eta 0 irabazita.

Ligako azken goleada, atzokoaren aurretik, 2016-17 denboraldian izan zen. Lehoiek Las Palmas garaitu zuten 5 eta 1 eko emaitzarekin. Mikel San Josek ireki zuen markagailua eta Iker Muniainek eta Aritz Adurizek egindako bi bikoteekin amaitu zen jaialdi zuri-gorria.

Gainera, mende honetan Athleticek birritan lortu du marka hau San Mamesetik urrun. Biak Osasunaren aurka izan ziren Sadarren: lehenengoa 2013-14 denboraldian, lehoiek 1 eta 5 irabazita eta bestea 2002-03 denboraldian emaitza berarekin.