“Ez ikusi ez dagoenik. Indarkeria matxista da”
“Ez ikusi ez dagoenik. Indarkeria matxista da”
Emakumeenganako Indarkeriaren Aurkako Nazioarteko Egunean aurtengo leloa irakurri ahal izan da San Mamesen
Athletic Clubek Bizkaiko Foru Aldundiarekin bat egin du azaroaren 25ean abian jarri den sentsibilizazio kanpainan eta “Ez ikusi ez dagoenik. Indarkeria matxista da” leloarekin piztu du San Mames. Indarkeria matxistaren aurreko urratsa diren jarrera ikusezinak dira Bizkaiko Foru Aldundiak jardunaldi honetarako egin duen adierazpen instituzionalaren ardatza. Ekimenak erakutsi nahi du badirela indarkeria matxista sortzen duten eta batzuetan ikusi nahi ez diren jokabideak, eta horietaz ohartzea eta geldiaraztea eskatzen du.
Kanpaina honek indarkeria matxistaren biktimei arreta emateko programak osatu ditu, oraindik ere Bizkaian gertatzen den Giza Eskubideen urraketarik handienetako bat. Aldundiak, esaterako, indarkeriaren biktima diren 95 emakumeri laguntza psikosoziala eskaini zien iaz, tratu txarren egilea bizi den etxebizitzan jarraitzen badute edo etxera itzultzen diren emakumeei, baita 73 adingaberi ere. Arreta-programa horiek ezarri diren urteetan, artatutako eskariak gora egin du, eta hirukoitza baino gehiago izan da (3,5) 2006an abian jarri zenetik, orduan 57 pertsonari eman baitzitzaion arreta.