Emakumezkoen filialaren erronka
Emakumezkoen filialaren erronka
Aurreko denboraldian txapeldun izan ondoren, Iraia Iturregik zuzentzen dituen neskek Liga hasiera zaila iraultzeko borrokatuko dute “B” azpitaldean.
Iaz denboraldia Reto Iberdrolaren Iparraldeko taldearen lehen postuan (lehiaketa martxoan gelditu zen) amaitu ondoren, Athletic Clubeko filialak urte berri bati begira jarri zen. Taldeak debuta egin zuen 2019-2010 denboraldian emakumezkoen Bigarren Mailan. Aurten, Iraia Iturregiren neskak “B” azpitaldean lehiatuko dira. Maila osoan banaketa geografiko bat egin zen, eta, horri esker, iaz taularen goialdean geratu ziren taldeak kontra jokatzen ari dira aurten: Alaves, FC Bartzelona “B”, Osasuna, Seagull… dira Athletic Club “B” k 9 talde osatzen dituen azpitalde honetan aurrez aurre dituen aurkarietako batzuk.
Lehen sei jardunaldien ostean, talde zuri-gorriak pbost untu lortu ditu. “Egia da espero genuena baino okerrago hasi garela. Bagenekien eman den berregituraketarekin, hain azpitalde lehiakorra izanik, guk filial gisa zaila izango genuela. Sei jardunalditan bost puntu bakarrik ateratzea ez genuen espero”, aitortu du entrenatzaile loiutarrak. Taldeak garaipen 1, 2 berdinketa eta 3 porrot jaso ditu.
Helburua: lehen taldea prestatzea eta hornitzea
Bigarren taldearen helburua “lehen taldean dauden eta B fitxa duten jokalariei laguntzea da, lehen taldearekin jokatzen ez badute, gurekin minutuak izan behar dituzte goian lehiatzeko prest egoteko”, dio Iturregik. Izan ere, Villacampak ez du zalantzarik izan denboraldi-aurreaz geroztik, Primera Iberdrolako partiden egutegi gogorrari aurre egiteko. Paula Aranak eta Bibiane Schulzek debuta egin dute dagoeneko partida ofizialean, eta Alejandra Estefania 17 urterekin sartu da deialdian. Bestalde, Nerea Nevado eta Leyre Monente, biak filialaren fitxarekin, lehen taldeko dinamikan ari dira, Villacampak hala eskatzen badu, jokatu ahal izateko.
Iraia Iturregik uste du debut gehiago iritsiko direla eta emaitzak ere, bere jokalariek zelaian eman dituzten sentsazio onekin bat egingo dutela. Emakumezkoen filiala kalitate handiko taldea da, baina, COVID-19ren ondorioz, kategoria berregituratzeak markatutako denboraldian, ez da ondo hasi. Lehoi ohiak bere iritziak utzi dizkigu lehiaketaren lehen aste hauei buruz.