“Ausartak izango gara Mestallan”

Gaizka Garitano hedabideen aurrean agertu da Mestallan jokatuko den  Valentziaren eta Athleticen arteko neurketaren atarian. San Mamesen RC Celtaren aurka porrota jaso ostean, taldeak bere aukeren jakitun prestatu du norgehiagoka: “Baikorrak gara Valentziari irabazi ahal izateko. Ausartak izaten saiatuko gara eta erasoan eraginkortasuna hobetzen. Gugan pentsatu behar dugu eta sailkapenean postuak irabazten jarraitzea dugu helburu. Mestallan irabazten saiatuko gara, aurreko denboraldian egin genuen bezala, eta horretan zentratuta daude gure energiak“.

Entrenatzaile zuri-gorriak aitortu duenez, taldeari, emaitzei dagokienez, erregulartasuna aurkitzea falta zaio, zenbait neurketa jarraian irabaztea, eta hori talde gutxi batzuk bakarrik lortzen ari dira txapelketan: “Talde gutxi ari gara modu erregularrean irabazten, dena oso berdinduta dago dagoen lehiakortasunarekin. Mundu guztiari kosta egiten zaio eta partidak xehetasun txikitan erabakitzen ari dira. Oso zaila da zure aurkariari gailentzea. Hala ere, taldea lehiakorra izaten ari da eta Valentziari irabazten saiatuko gara. Ziur gaude horretaz“.

Valentzia Garitanok zuzentzen duen taldearekin berdinduta dago. Athleticek partida bikaina jokatu ondoren, aurreko denboraldian menderatu zuen taldea: “Kontrerasoan asko jokatzen duen taldea da, oso gaztea, baina kalitate handiko jokalariak dituena. Dena oso berdinduta dago eta guk gauzak ondo egiten saiatuko gara: goian ondo presionatu, arriskua sortzerakoan hobetu… Taldea gogotsu dago eta aurreko denboraldiko partida ona errepikatzen saiatuko gara. Athletic gara eta bihar irabaztea pentsatzen dugu. Asko sinesten dut nire jokalariengan“.