“Ez dago nekerik, Huescari irabaztea baino ez dugu buruan”

Gaizka Garitanok prentsaurrekoa eman du Lezamako prentsa aretoan, bihar SD Huescaren aurka San Mamesen jokatuko duten neurketaren atarian (21:00etan).

Entrenatzaile zuri-gorriak “gogotsu eta konfiantzaz” ikusten du taldea etxean hiru puntuak lortzeko: “Huesca oso une onean dator, ligako lehen garaipena lortu ostean, beste jardunaldi askotan merezi izan ondoren. Behean egoteak ez du asko esan nahi oraintxe bertan, gauzak nola dauden ikusita. Hala ere, taldea ondo ikusten dut, motibatuta, eta hiru puntuak lortzeko gogo biziz”.

SD Huesca aurkariari dagokionez, Garitanok taldearen kalitatea baloratu du zelai erdian: “Baloia asko jokatzea gustatzen zaie, eta ondo egiten dute, presioa goian dutela. Denboraldiko unerik onena izango da haientzat, baina guk gauzak argi ditugu eta irabazteko itxaropena dugu”.

Real Madrili buruz galdetuta, Superkopako finalerdietako aurkaria, zera dio Garitanok: “Ostiraletik haratago ezin dugu begiratu. Hiru egunetik behin jokatzen ari gara, eta partidaz partida goaz. Partida aztertzeko unea egongo da aurrerago”.