“Biharko neurketan bakarrik pentsatu behar dugu”

Emakumezkoen Athletic Clubeko entrenatzaileak agerraldia egin du bihar Logroñon 2020ko azken partida jokatu aurretik. Lehoiek bihar egingo dute bidaia EDF Logroñoren aurka aritzeko, Mundial 82 futbol zelaian, 11:00etatik aurrera. Entrenatzaileak esan duenez, bi talderen arteko lehia “Urtea sentsazio onekin amaitzeko” lehia izango da.

Rayo Vallecanoren aurkako golik gabeko berdinketaren ostean, prestaketarako denbora urria izan da, eta entrenatzaileak “erronka” bat dela azpimarratu du. “Taldeak badaki inflexio puntu bat behar duela, jarrerari eta lanari dagokionez ez dago ezer aurpegiratzeko. Egungo egoeraren jakitun eta erantzule gara“, esan du Villacampak.

Zuri-gorrien entrenatzaileak espero du eguneroko lanak emaitzetan ikustea: “Jokalari guztiek eta teknikariek badakigu hori lortzeko gai garela. Taldea lasai dago eta bihar hiru puntuak lortzeko konfiantzarekin. Ez dugu beste egoerarik aurreikusten. Batez ere mentalki prestatu gara ezohiko egoera bati aurre egiteko, inoiz ez dugu horrelako ezer bizi izan”, esan du entrenatzaileak sailkapen egoerari buruz eta “indartsuago egin behar gaituen beste proba bat” dela gaineratu du.

Villacampak ez du ez exijentziarik ez erantzukizunik saihestu: “Askoz gehiago egiteko gai den taldea zuzentzen dut, ahalmen handia dute jokalariek. Nire kontua ere bada, eta askoz etekin handiagoa atera behar diot taldeari. Edozein aurkariri irabazteko gai direla ikusi behar dute neskek”, eta taldeak Atletico Madrilen aurka erakutsitako jarrera gogoratu du, 1-3koa konran izan arren jo ta ke jarraitu zuenean eta berdinketa lortzeko merituak egin zirenean.

Aurkariari dagokionez, EDF Logroñok lehen garaipena lortu du ligan entrenatzaile berriarekin: “Oso partida gogorra izango da, ia gerra bat. Kontzentrazio-faltarik ez izateko oso adi egon behar gara. Oreka hori bilatuko dugu. Ez da erraza izango, eta, jokatuko dugun berdegunea ezberdina izango da“; horretara egokitu beharko dute lehoiek “ahalik eta hobekien“, neurketa ofizialean lehendabiziz jokatuko baitute gureak bertan.

Deialdia

Villacampak Ane Azkona eta Erika Vazquezen bajak ditu. 21 jokalarik osatzen dute zerrenda: Andere Leguina, Amaia Peña, Andrea de la Nava, Andrea Sierra, Ainhoa Moraza, Garazi Murua, Naroa Uriarte, Oihane Valdezate, Nekane Díez, María Díaz, Yulema Corres, Jone Ibáñez, Marta Unzué, Oihane Hernández, Eunate Arraiza, Sophie Istillart, Lucía García, Marta Perea, Vanesa Gimbert, Leyre Monente eta Nerea Nevado.