“Irabaztea jauzi handia izango litzateke”

Gaizka Garitanok agerraldia egin du komunikabideen aurrean Lezamako prentsa aretoan, bere taldeak bihar, asteartea, Estadio de la Ceramican Villarreal CF taldearen aurka jokatu baino lehen (22:00etan). Entrenatzaile zuri-gorria, Athletici erronka zaila aurkezten zaion arren, baikor agertu da bigarren garaipena jarraian lortzeko: “Ligako talderik onenetako baten aurka jokatuko dugu, gauzak oso ondo egin beharko ditugu. Hala ere, baikorrak gara aspalditik bilatzen ari garen bigarren garaipen hori lortzeko. Irabaztea jauzi handia izango litzateke”.

San Mamesen SD Huescaren aurka lortutako garaipen garrantzitsuaren ostean, Garitanok irabazteko beharra ez dela “apur bat ere” jaitsi behar dio: “Bai jokalariek bai teknikariek irabazteko presioa izan behar dugu beti. Gose izan behar dugu, talde handi batean gaude, exijentzia handiarekin. Badakigu biharko partida zaila izango dela, baina ez dugu irabaziko emaitza on bat ateratzea guretzat oso positiboa izango litzatekeela jabetzen ez bagara”.

Bihar, laugarren partida jokatuko du taldeak hamar egunetan, Villarrealen aurka, azken denboraldietan erakutsi dituen erasoko argudioei “defentsan sendotasuna” gehitu dien taldearen kontra: “Talde bikaina da. Zenbait partida ondo egotetik gatoz eta zelai zailenetako batera goaz kalitate handieneko talde bati aurre egitera. Erregistro guztiak ustiatzen dituzte eta Emeryrekin askoz indartsuago daude defentsa-arloan. Erasoan baliabide asko izan ditu beti, baina defentsan asko hobetu du orain, gol gutxiago jasoz”.