undefined

San Mames BAT, eraztunaren marka berria

San Mames BAT, eraztunaren marka berria

Batasuna, zaleak, topalekua… estadioko partida eguneko zerbitzuek izena aldatzen dute sinbolismoz betetako hitz batekin

San Mames VIP Areak San Mames BAT izena hartuko du 2021etik aurrera. Izen aldaketa honekin Athleticek Klubaren balore nagusietako bat igorri nahi du, batasuna. Zaletasun bat, filosofia bat, sentimendu bat eta elkarrekin bizitzeko topaleku bat, San Mames BAT. Bazkideek, abonatuek eta zaleek, oro har, 2015etik erdiko eraztunean ematen diren balio erantsiko zerbitzu guztiez gozatzen jarraitu ahal izango dute.

BAT, batu, bat egin.

BAT, Athleticen historian sinbolismoz betetako zenbakia, Jose Angel Iribar Txopo mitoaren dortsala, gure Klubaren balioen erreferentzian ageri zen zenbakia.

BATek lehena izatea esan nahi du, bikaintasuna lortzeko hobetzea eta lehiatzea. Klubak beti eraman du hori bere DNAn, eta eraztunean egun bakoitzean eskainitako zerbitzuetara ere eraman nahi du.

2015eko azaroan inauguratu zenetik, erdiko eraztunean abonatuen eta atxikitako enpresen kopurua hazi da denboraldiz denboraldi, eta aurtengo martxoan palko eta besaulkietan kontratatutako eserlekuen %60ra iritsi da. Jokalekura begira dauden areto zabalak, aparkalekua kontratatzeko aukera, partida zuzenean eskaintzeko pantailak, arreta pertsonalizatua eta Michelin Izarra duten sukaldari bizkaitarren zerbitzu gastronomiko esklusiboa izan dira partida bakoitzean lau ordu baino gehiagoko esperientzia ahaztezinak egin dituztenak. Orain, San Mames BAT marka berriarekin esperientzia hori hobetzen jarraitzeko erronka berriari aurre egingo dio Klubak, partida egun batean Katedraleko ateak berriro zabaltzeko ilusioarekin.