undefined

“Amaierara arte bilatu dugu garaipena”

“Amaierara arte bilatu dugu garaipena”

Garitanok balioa eman dio lortutako puntuari “Vila-realena bezalako zelai zail batean”, baina taldeak azken jokaldira arte 3 puntuak bilatu dituela azpimarratu du

Gaizka Garitanok agerraldia egin du Zeramikaren estadioko prentsa aretoan, Athleticek Vila-realen aurka bana berdindu ostean.

Entrenatzaile zuri-gorriak bere jokalariek egindako lana goraipatu du: “Pena da garaipena lortu ez izana, baina Vila-realena bezalako zelai zail batean lortutako puntua baloratu behar da. Taldeak kanpoan irabazteko duen gogoa erakutsi du, ez gara puntuarekin konformatu eta garaipena amaierara arte bilatu dugu”.

Garitanok lehoien lehen zatia nabarmendu du: “Ondo jokatu dugu futbolean eta gehiago izan gara. Bigarren zatian gehiago sakatu dute eurek, talde bikaina dira. Baina azken 15 minutuetan gora egin dugu garaipenaren golaren bila. Puntu garrantzitsua lortu dugu zelai zail batean”.