Lehen taldea | 2020 abe 26

Realaren aurkako oroitzapenerako sei derbi San Mamesen

2020 abe 26

Katedralean jokatu diren Athletic Cluben eta Realaren arteko ligako sei norgehiagoka errepasatu ditugu

Athleticek Realaren aurka jokatuko du datorren ostegunean, abenduaren 31n. Lehoiek euskal derbiarekin itxiko dute urtea San Mamesen (14:00etan), historikoki zuri-gorrien alde bukatu den partida batean. Bi taldeek Laligan jokatu dituzten hirurogeita hamahiru partidetatik, hogeita hemeretzi irabazi zituzten lehoiek, hogei partida berdinketan amaitu ziren eta txuriurdinek hamalau partida irabazi zituzten.

Lehoien aldeko gol festarik handiena 1934-35 denboraldian izan zen. Lehoiak, garai hartan Patricio Caihatzek entrenatzen zituzten eta zazpi-zero garaitu zuen Reala. Elicesen hat-trick batek, Bataren bikote batek eta Careaga eta Mandalunizen golek Athletici ligako txapelketan etxeko gisa jokatu duen derbietan lortutako garaipenik handiena eman zioten.

Gogoratzeko beste data bat derbietan, 1959-60 denboraldiak markatzen du. Martim Franciscoren Athleticek 4-0 irabazi dio Realari Markaidaren hiru golekin eta Arietaren beste batekin garaipena zurigorrien esku utzi zuen.

Irabazitako azken Ligaren derbia (1983-84) ere zurigorrien alde erori zen. Athletic Real Madrilekin berdinduta iritsi zen partida horretara, Bartzelonaren aurretik, baina bere buruaren menpe zegoen. Norgehiagoka Liceranzuren golarekin hasi zen, 18. minutuan. Uraldek berdinketa lortu du Realarentzat 68.an, baina Liceranzuk berak gola sartu zuen partidaren bukaeran, Athletici bere azken liga emateko.

Mende honetako lehen garaipena 2001-02 denboraldian izan zen. Partida hori ‘Tiko’ ren bi golengatiko gogoratuko da. Lehenengo, 39. minutuan markagailua zabaldu zuen, Javi De Pedrok 45.ean partida parekatu zuen. Atsedenaldiaren ostean, 59.an, Tikok berak eskuinkada batekin baloia saskiratu zuen garaipena etxean uzteko.

Hurrengo urteko (2002-03) derbia ere mimoz gogoratzen da athleticzaleen artean. 20. jardunaldiko partidak Ligako bigarren itzulia ireki zuen eta donostiarrak partida bakar bat ere galdu gabe iritsi ziren. Joseba Etxeberriak bi gol sartu zituen eta Santi Ezquerrok bat, donostiarren ratxa puskatuz.

2016-17 denboraldiko garaipena San Mamesen gogoratzen da, nola lortu zen ikusita. David Zurutuzak Reala aurreratu zuen lehen zatian, baina Athleticek 21 minututan eman zion buelta partidari eta hiru golak sartu zituen: Iker Muniain 51.ean, Aritz Aduriz 60.ean eta Williams 72.ean. Iñigo Martinezek, garai hartan Realeko jokalaria zenak, 3-2koa makillatu zuen.

Erlazionatutako partidak