Canon Medical Systems Iberia, berrikuntzarako bazkide global berria

Athletic Clubek eta Canon Medical Systemsek akordio estrategikoa lortu dute, eta, horren arabera, gailu medikoen Japoniako konpainia Klubaren berrikuntzarako bazkide globala bihurtu da Diagnostiko Medikoko Sistemen eta Teknologien kategorian. Akordio hori 2024ko abendura arte egongo da indarrean, eta ohiko babesletza-akordio bat baino askoz haratago doa, Lezaman kirol-medikuntzan irtenbide berritzaileak ezartzeko potentzial osoa baitu.

Bi erakundeetako berrikuntza-sailen arteko lankidetzaren helburua arlo medikoan eta, zehazki, irudi bidezko diagnostikoan proiektu espezifikoak egiteko ezagutza sortzea izango da. Hori guztia gure kirolarien errendimendua hobetzen laguntzeko erabiliko da, lesioen prebentzioan eta futbolarien errehabilitazioan sakonduz.