Vesgak 2024ra arte berritu du
Vesgak 2024ra arte berritu du
Erdilari zuri-gorriaren kontratu berriak 50 milioi euroko etete klausula izango du
Athletic Clubek eta Mikel Vesga futbolariak 2024ko ekainaren 30era arte kontratua luzatzeko akordioa lortu dute. Etete klausula 50 milioi eurokoa izango da.
Vesga 2014-15 denboraldian iritsi zen Lezamara. 38 partida jokatu zituen Bilbao Athleticekin eta filialarekin Bigarren Mailara igo zen. Gasteizko jokalariak debut ofiziala egin zuen lehen taldearekin 2016-17 denboraldian Sporting Gijonen aurka, eta talde horretara utzita joan zen denboraldi horretan bertan. Hurrengo denboraldia talde zuri-gorrian jokatu ondoren (2017-18), Vesga utzita atera zen berriro 2018-19an, oraingoan CD Leganes taldera, Lehen Mailan. Gasteiztarra 2019ko ekainean itzuli zen Lezamara, eta ordutik 69 partida jokatu ditu (52 Ligan, 9 Kopan eta 8 Europa Leaguen) Athletic Clubeko lehen taldearekin. Aurtengo denboraldian Vesgak LaLigako 18 partidetatik 14 jokatu ditu, horietako hamar hamaikakoan, eta 850 minutu egin ditu orotara.
Mikel Vesgak prentsaurreko telematikoa emango du gaur arratsaldean hedabideen aurrean, 17:00etatik aurrera, talde zuri-gorriaren arratsaldeko entrenamenduaren aurretik.