Marcelino: “Eraginkorrak izan gara”
Marcelino: “Eraginkorrak izan gara”
Entrenatzaile zuri-gorriak onartu du “hobeto” egotea gustatuko litzaiokeela, baina bere taldearen “lana eta esfortzua” aintzat hartu ditu
Marcelino Garcia Toralek komunikabideen aurrean hitz egin du Errege Kopako final-zortzirenetara igaro ostean, Athleticek Ibiza 1 eta 2 mendean hartu ondoren. Entrenatzaile zuri-gorria pozik agertu da lortutako emaitzarekin: “Lanarekin, ahaleginarekin eta aurkako emaitza bat gainditzearekin geratzen naiz. Eraginkorrak izan gara. Garrantzitsuena, arlo honen bila gentozena, hurrengo kanporaketarako sailkapena da. Lortu dugu”.
Aurkariak eta eszenatokiak zuten zailtasunaren jakitun zen entrenatzaile asturiarra: “Bagenekien partida honek nolako deserosotasuna ekarriko zigun. Eivissako zenbakiek bigarren B mailako onena dela adierazten dute. Celtari bost gol sartu zizkion, hemen, bere zelaian. Horri beste faktore bat gehitu zaio: haizea. Eremu sintetikoak, haizearekin batera, are gehiago zailtzen du jokoa”.
Bere jokalariek egindako lanari dagokionez, partida ona egin dutela adierazi du: “Aurkariak oso gutxi sortu du, ez dugu ia aukerarik eman. Erasoan, gerturatze on batzuk sortu ditugu, baina egia da bukatzea falta izan zaigula”.