Alcoyano, 20-21 Kopako final-zortzirenetako aurkaria

Athleticek CD Alcoyanoren aurka jokatuko du 2020-21 Kopako final-zortzirenetan. Kanporaketa, partida bakarrera, datorren astean jokatuko da, urtarrilaren 28an (21:00etan), Alacanteko taldearen zelaian, 2. B mailako taldea delako.

Alcoyko taldea Kopako lehiaketaren edizio honetako errebelazio handienetako bat izan da, Lehen Mailako bi talde kanporatu baititu: Huesca (2-1) lehen kanporaketan, eta, batez ere, Real Madril (2-1), iragan asteazkenean El Collaon jokatutako 1/16ko partidaren luzapenean. Lehen kanporaketan Laredo gainditu zuen (4-1). Vicente Parras buru duen taldea laugarren sailkatua da Bigarren B Mailako hirugarren multzoko B azpitaldean, lau garaipen, lau berdinketa eta bi porrotekin.

Marcelino Garcia Toralek Kopako final-zortzirenetan Athleticek izango duen aurkariari buruz hitz egin du: “Alcoyanok Lehen Mailako bi talde kanporatu ditu dagoeneko, Huesca eta Real Madril. Aurkaria ahalik eta gehien errespetatu behar da, eta badakigu kanporaketa zaila izango dela”.

Hauek izan dira zozketako zortzi kanporaketak:

• CD Alcoyano – Athletic Club
• CDA Navalcarnero – Granada CF
• Girona CF – Villarreal CF
• Rayo Vallecano- FC Barcelona
• UD Almería- CA Osasuna
• Real Valladolid – Levante UD
• Sevilla FC -Valencia CF
• Real Betis-Real Sociedad