undefined

Marcelino: “Berdinketa bidezkoa izango litzateke ere”

Marcelino: “Berdinketa bidezkoa izango litzateke ere”

Athleticen entrenatzaileak Bartzelonaren aurka jokatutako bigarren zatiak lehoientzat “jarraitu beharreko bidea” adierazten duela esan du

Marcelino Garcia Toralek erantzun egin zien komunikabideek egindako galdereei, Camp noun jokatutako Ligako 21. jardunaldiko partidan puntuak batu ezin izan ostean. Athleticek berdinketa lortzeko merituak egin zituela berretsi zuen entrenatzaile zuri-gorriak: “Hemen irabaztea zen asmoa eta emaitza positiboa merezi izan dugu. Berdinketa bidezkoa izango litzateke ere”.

Entrenatzaileak onartu du lehen zatia ez zela espero zuena izan: “Nahi dugun eta ahal dugun bidetik urrun jokatu dugu lehen denbora. Hasieran, deseroso sentitu gara eta gaizki egon gara. Zailtasunak genituen baloiarekin eta presioan”.

Hala ere, bere mutilek bigarren zatian izan duten erreakzioa goraipatu du: “Talde honen aurka jokatzeak duen balioa gehituta, bigarren zati bikaina egin dugu, ohikoa den ildoari jarraituz. Konbentzituta egon gara eta zailtasunak jarri dizkiegu. Aukera gutxi egin dizkigute eta arriskua sortu dugu. Ez dugu asmatu, baina Bartzelona baino gehiago izan gara”.