2020-21 denboraldirako kuoten proposamen berria

Athletic Clubeko Zuzendaritza Batzordeak, erakundearen finantza-egoerak, osasun-krisiak klubaren jardueran izan dituen eraginak eta bazkide kopromisarioek helarazi dizkioten hausnarketa-proposamenak aztertu ondoren, 2020/2021 denboraldirako aurrekontuen aurreikuspen berria aurkeztuko du otsailaren 21eko Ezohiko Batzarrean.

Jarraian, aurrekontu-proposamen berriaren elementu esanguratsuenak azalduko dira. Proposamen horren azterketa sakona egingo da Batzarrean, bai eta bazkideen ekarpenak eta hura egiteko kontuan hartu diren aldez aurreko gogoetak azaldu ere.

• Kudeaketa arrunteko gastuak murriztu egiten dira kudeaketa-doikuntza handiagoengatik.
• Kirol-langileen kostuek goranzko aldaketak bereganatzen dituzte, teknikari talde berria kontratatzearen, kirol-lorpenak lortzeagatiko sarien sortzapenaren eta kirol-plantilla profesionalaren kontratuetan izandako aldaketen ondorioz.
• Superkopako titulua lortzeari esker, kirol-lehiaketetako diru-sarrerak handitu egin dira.
• Ez dira bazkide-kuotak diru-sarreratzat hartuko.

Athletic Clubeko Zuzendaritza Batzordeak Batzarraren esku utzi nahi du 2021eko bazkide-kuota ez kobratzearen hausnarketa, hau da, “Bazkide-kuoten sarrerak” atala zero eurokoa izatea. 21-22 denboraldiaren hasieratik estadioetara jendea joan daitekeela dioen hipotesian oinarritzen da proposamena. Nolanahi ere, pandemiaren bilakaerari buruzko benetako egoerak aurreikustea ezinezkoa denez, 21-22 denboraldian ere jenderik ez badago edo edukiera mugatua badago, egokituko litezkeen konpentsazioak 2021eko Ohiko Batzarrean proposatuko dira, 2022ko bazkide-kuoten kobrantza erregularizatuz.

Aurreko guztiaren ondorioa 9,4 milioi euroko inpaktu negatiboaren gehigarria da, honela banatuta:

• 7,4 milioi euro, Covid galeratzat hartzen diren bazkiden kuotak ez kobratzeagatik, emaitza garbiaren aurka joango liratekeenak.
• 2 milioi euro gainerako kontzeptuengatik, dauden horniduren aplikazio handiagoa dakartenak.

Oharra: Covid galerak osorik kontabilizatzen dira ekitaldiko emaitzetan, abenduaren 22ko 1162/2020 Errege Dekretua aplikatuz. Errege Dekretu horrek baldintza bereziak ezartzen ditu kirol-sozietate anonimoei buruzko uztailaren 16ko 1251/1999 Errege Dekretuaren hirugarren xedapen gehigarrian arautzen den abalak konpentsatzeko araubidea aplikatzeko, eta, beraz, aukera ematen dute luzarorako horniduren erabilera babestu eta Klubaren etorkizuna bermatzeko.

(*) Hala nahi duten bazkide konpromisarioek (azken Batzarrerako ezarritako edukiera mugatuko neurriekin jarraituz) aldez aurretik informazioa jasotzeko bilera batean izena eman ahal izango dute, eta gaur jakinaraziko zaie posta elektronikoz.

*Bozkatuko diren Gai-Zerrendako puntuei buruzko dokumentazioa eskuragarri dute bazkideek webguneko Txokoan.