“Oso harro gaude gure jokalariez”
“Oso harro gaude gure jokalariez”
Marcelinok Kopako finalerdietarako txartela lortzeko taldearen jarrera azpimarratu du: “Dena uzten dute, ilusioa dute, lehiatu egiten dira eta emaitza handiak lortzen dituzte”
Marcelino Garcia Toral hedabideen aurrean agertu da Athleticek Errege Kopako finalerdietarako txartela lortu ostean.
Entrenatzaile zuri-gorriak bere taldea zoriondu du gaur Benito Villamarinen berdegunean erakutsitako jarreragatik: “Taldeak ez du amore ematen. Berdin lan egiten du galtzen, berdintzen eta irabazten ari denean. Uste dut jokalariek dena uzten dutela, ilusioa dutela, lehiatu egiten direla, irabazi egin nahi dutela eta konbentzimendu horrekin emaitza onak lortzen dituztela”.
Marcelinoren ustez, “bidezkoa” izan da emaitza: “Partida oso parekatua izan da, gol aukera gutxirekin. Agian merezi izan dugu markagailuan aurrea hartzea haiek baino lehen, baina hura iraultzea egokitu zaigu. Luzapenean oso nekatuta ikusi ditugu bi taldeak, eta penaltien zoria gure alde erori da”.
Zuri-gorrien entrenatzaileak gogorarazi duenez, “jokalariak dira benetako protagonistak eta guztiok Athleticekin hainbeste gozarazten digutenak. Oso pozik gaude finalerdietan egoteagatik, lehiaketa honetako lau talde onenen artean”.