undefined

Ezohiko Batzar Nagusiaren Gai-zerrenda

Ezohiko Batzar Nagusiaren Gai-zerrenda

Otsailaren 21eko batzar telematikoan aztertu beharreko gaiak eta deialdi ofiziala

Athletic Clubeko Zuzendaritza-Batzordeak, Estatutu Sozialen 20., 23. eta 54.2 artikuluetan ezarritakoarekin bat etorriz, Athletic Clubeko bazkide konpromisarioak San Mames estadioan 2021eko otsailaren 21ean, igandean, egingo den Ezohiko Batzar Nagusira deitzea erabaki du, lehen deialdian 09:45ean, eta bigarren deialdian 10:00etan, modu telematiko ez-presentzialean, bazkideen eta langileen osasuna babesteko, COVID-19aren egoera epidemiologikoaren arabera eta araudian ezarritako mugen ondorioz.

Horrekin bat etorriz, eta Enpresa-kaudimena eta energia-sektorea laguntzeko premiazko neurriei buruzko azaroaren 17ko 34/2020 Errege Lege Dekretuan eta zerga-arloan xedatutakoaren arabera, eta parte hartzen duten bazkide konpromisarioen osasunaren aldeko segurtasun- eta higiene-protokolo zorrotzenak errespetatze aldera, Batzarra aurrez aurrekoa ez den moduarekin egingo da, bideoz, bitarteko telematikoen laguntzarekin zuzenean konektatuta Batzarra egingo den tokiarekin, eta bertan Zuzendaritza-Batzordea eta teknikari laguntzaileak egongo dira.

Gai-zerrendako puntuen bozketa ere telematikoa izango da. Gainera, baliabide telematikoak erabiltzeko aukerarik ez duten bazkide konpromisarioek San Mamesen botoa aurrez aurre emateko aukera izango dute, eta horretarako hautestontziak jarriko dituzte bertan. Azken boto mota horri heltzeko, dauden murrizketak kontuan hartuta, beharrezkoa izango da aldez aurretik izena ematea. Bazkide konpromisarioek mezu elektroniko bat jasoko dute horri buruzko informazio guztiarekin.

Batzarra behar bezala eratzen denean irekiko dira bozketak, eta itxi egingo dira bozkatu diren Gai-zerrendako puntuetako hitzaldiak amaitu ondoren.

EZOHIKO BATZARRAREN GAI-ZERRENDA (2021eko otsailaren 21a):

LEHENENGOA: Zuzendaritza-Batzordearen aurreko Ekitaldi Ekonomikoaren kudeaketa onartzea, hala badagokio.

BIGARRENA: Aurreko Ekitaldi Ekonomikoaren Urteko Kontuak onartzea, hala badagokio.

HIRUGARRENA: Hurrengo Ekitaldi Ekonomikorako aurrekontua onartzea, hala badagokio.

LAUGARRENA: Galde-eskeak.