Oguiza, abiapuntuan urtebete geroago

Irene Ogizak “reset” bat egin du. Iaz, 2020ko urtarrilean, durangarrak lehen taldean debuta egin zuen Villacamparen eskutik, eta ametsa bete eta bi astera, belaunean min hartu zuen. Otsailaren 2an, Abegondoko berdegunean 24 minutu zeramatzala, Ogizak klaska bat sumatu zuen, eta orduan jakin zuen zerbait ez zihoala ondo. 2016an jada min hartu zuen belauneko lotailu gurutzatu apurtu zuen berriz. Zuri-gorriek garaipena lortu zuten arren, partidak zelaietatik kanpo utzi zuen Ogiza denbora luzez.

Martxoan pandemia iritsi zen, Durangon ebakuntza egin berritan. Hilabete asko izan ziren etxean lanean eta bakarrik errekuperatzen. Ogizak Reto Iberdrolako taldekideekin itzuli nahi zuen, eta pixkanaka Iraia Iturregiren aginduetara jarri zen. Denboraldi honetan bigarren taldearekin izan duen lehen partidan, azaroan, gol bat sartu zuen eta Osasunaren aurkako derbian bi gol lortu zituen.

Iturregi lehen taldearen aulkian zela, “Ogik” Badajozen jokatu zuen Santa Teresaren aurkako partida, eta oraingoz, beharrezkoa bada, entrenatzaile loiutarraren konfiantza izaten jarraituko du. Urtebete geroago, berriz ere hasierako puntuan jarri da, lehen mailako taldearen eta Reto Iberdrolaren artean.

Hurrengo bideoan, oso zaila izan den urte errekuperazio prozesua nolakoa izan den eta lehen taldeari laguntzeko izan duen ilusioa azaldu digu Ogizak.