Bigarren itzulia RCD Espanyolen aurka hasiko da
Bigarren itzulia RCD Espanyolen aurka hasiko da
Zuri-gorriek talde katalana hartuko dute igandean (12:00etan), eta bigarren itzuliko lehen partida izango da azken bi atzerapenen ostean
Athletic Cluben eta RCD Espanyolen arteko norgehiagoka klasiko bat da Estatu mailako emakumezkoen futbolean. Primera Iberdrolako hemeretzigarren jardunaldiko partida igandean jokatuko da Lezaman, 12:00etatik aurrera, eta elitean askotan elkarren aurka aritu diren bi talderen arteko lehia izango da. 2002tik 43 aldiz jokatu dute elkarren aurka ligan, eta lehoien balantzea 14 garaipen, 2 berdinketa eta 2 porrotekoa da etxean.
Etxeko azken aurrekaria 2020ko martxoaren 1ean izan zen, pandemia iritsi aurretik jokatu zen azken partida, alegia. Kataluniako taldea azken postuan iritsi zen Lezamara eta puntu bat lortu zuen golik gabeko partidan, nahiz eta zuri-gorriek irabazteko merezimenduak egin zituzten. Orduan, bi taldeen arteko aldea oso ezberdina zen sailkapenean, baina aurtengo denboraldian zuri-urdinek lehoiek baino hiru puntu gehiago dituzte, hamaikagarren postuan. Aurtengo denboraldian, 2020ko azaroan Bartzelonan jokatu zen joaneko partidan (hasieran atzeratu egin zen), Villacampa orduko entrenatzaileak zuzentzen zituen jokalariek 2-1 galdu zuten Sant Adrià de Besòsen.
Ruben Casadoren jokalariek EDF Logroñori 1-0ekoaz irabazi zioten joan den astean sufrimendu handiko norgehiagokan; izan ere, bi taldeek jaitsiera postuetatik aldendu nahi zuten (lau talde jaisten dira). Iraia Iturregiren jokalariek helburu bera dute, eta hortaz, azken neurketetako sentsazio onak mantenduz, hainbeste kostatzen zaien garaipena lortu nahi dute. Lombi aurrelariarekin adi egon behar da, baita Julve, Brenda, Nicart edo Mayarekin ere.