“Berdinketa bidezkoa izan da”
“Berdinketa bidezkoa izan da”
Marcelinok “zehaztasun falta” eta “gehiegizko presa” deitoratu ditu, Athleticen eta Valentziaren arteko berdinketan
Marcelino Garcia Toral San Mameseko prentsa aretoan agertu da, Athleticek Valentziaren aurka bana berdindu ostean.
Entrenatzaile zuri-gorriaren ustez, emaitza “bidezkoa” izan da: “Partida parekatua izan da, alternatibekin. Neurketa erabakita uzteko aukerak izan ditugu bigarren zatian, baina ez dugu asmatu”.
Marcelinok bigarren zatiaren hasieran Athleticek gola sartzeko izan dituen aukerak azpimarratu ditu: “Aukera argiak izan ditugu, baina agian azkarregi jokatzeak eta asmatu ez izanak zigortu egin digu. Berdinketa bidezkoa dela uste dudan bezala, garaipena ere ez zela bidegabea izango uste dut”.
Entrenatzaileak taldearen lana azpimarratu du, oro har, hain ohikoak ez diren jokalarien parte-hartzea nabarmenduz: “Taldearen lan handiarekin geratuko naiz, ahalegin guztiak egin arren, pena bat garaipen batekin ez ospatzea”.