Athletic 12-1 Bartzelona: 90 urte
Athletic 12-1 Bartzelona: 90 urte
1931n Mister Pentlandek zuzentzen zuen taldeak talde katalana gainditu zuen San Mamesen
90 urte bete dira Athletic Clubek eta LaLigak mugarri historiko bat bizi izan zutela. Gaurko egunez 1931. urtean, Frederick Pentland entrenatzaile ingeles ospetsuak zuzentzen zituen lehoiek 12 eta 1 irabazi zioten Bartzelonari San Mamesen. Gaur egun txapelketako historiako gol festarik handiena izaten jarraitzen du emaitza horrek.
Athleticek, 30eko hamarkadaren lehen erdian Ligako lau titulu eta Kopako beste hainbeste lortu zituenak, ez zuen errukirik izan Kataluniako taldearen aurka, eta lehen zatiaren amaieran 6 eta 1 irabazten zihoan. Golegile handienetako bat Agustin Sauto Arana ‘Bata’ izan zen, zuri-gorrien 12 goletatik 7 sartu zituena.
Momentuko kroniken arabera, Bartzelonak hamar jokalarirekin jokatu behar izan zuen 11. minututik, Martiren lesioa zela eta (zutoin batekin talka egin ondoren, zelaitik erretiratu behar izan zuen), eta horrek talde katalana gutxiagotasunean utzi zuen, garai hartan ez baitzegoen aldaketarik egiteko aukerarik.
Athletic Clubeko hamaikakoa Ispizuak, Castellanosek, Urkizuk, Garizurietak, Muguerzak, Robertok, Lafuentek, Iraragorrik, Batak, Chirri II.ak eta Gorostizak osatzen zuten.
Argazkia: AC Museoa