Iñigo Martinez: neurri kautelarraren eskaera TADen aurrean
Iñigo Martinez: neurri kautelarraren eskaera TADen aurrean
Athletic Clubek gaurko egunerako premiazko neurri kautelarra hartzeko eskatu dio Kirolaren Administrazio Auzitegiari, Apelazioak errekurtsoa bertan behera utzi ondoren
Gaur goizean, Iñigo Martinez Berridi jokalariari ezarritako 4 partidako zigorra dela medio, Athletic Clubek aurkeztutako errekurtsoa atzera bota duen Espainiako Futbol Federazioaren Apelazio Batzordearen ebazpena jaso da. Hori dela eta, Athletic Clubek premiazko neurri kautelarra hartzeko eskatu dio Kirolaren Administrazio Auzitegiari (TAD), eta gaur bertan, Apelazio Batzordeko erabakiaren betearazpena bertan behera uzteko.
Neurri hori eskatzeko arrazoia honako hau da: TADen aurrean administrazio-bidean errekurritutako akordioaren betearazpenak – Kirol-arloko diziplina-zehapenak ebazteko azken instantzia – Jokalariari eta Athletic Clubi kalte konponezinak eragiten dizkie; izan ere, 4 partida horietan parte hartzen ez badu eta, ondoren, errekurtso hau osorik edo partzialki onartzen bada, ezinezkoa izango litzateke alde honi eragindako kaltea konpontzea, egoera ez baita itzulgarria. Besteak beste, gaur gauean, 21:00etan, Athleticek Levante UD, S.A.D. taldearen aurka jokatuko duen norgehiagokari eragingo lioke.
Athletic Clubek adierazi nahi du ez dagoela batere ados orain arte hartutako ebazpenekin, kontuan hartuta antzeko edo larritasun handiagoko ekintzen aurrekariak daudela.