Beste aurkari zuzen baten bisita Lezaman

Bihar, igandea, apirilaren 4an, Athletic Clubek hilabeteko lehen partida jokatuko du. Primera Iberdrola, bai goialdean eta baita behealdean ere, oso parekatuta dago eta lehoiek aurrera pausoa eman nahi dute hilabete honetan, lasaitasunerako puntuak eskuratuz. Lehen aurkaria Santa Teresa izango da, 11:30etik aurrera, zuri-gorrien aurkaria Lezaman, ligako hogeita bosgarren jardunaldian.

Iraia Iturregiren taldea sailkapeneko hamargarren postuan dago 25 punturekin. Extremadurako taldea, berriz, azken-aurrekoa da eta 19 puntu ditu. Juan Carlos Antunezen neskek 0-2 galdu zuten El Viveron Betisen aurka aurreko jardunaldian salbazioa lortzeko borrokan oso garrantzitsua zen neurketan. Biharko norgehiagokak Santa Teresarekiko aldea handitzea eta average partikularra ziurtatzea ahalbidetuko luke, urtarrilean, joaneko partidan, berdinketan amaitu baitzen bi taldeen arteko norgehiagoka (2-2), Istillartek bere atean luzapenean baloia sartu eta gero.

Santa Teresak lau aldiz bisitatu du Lezama ligan eta partida guztiak galdu ditu. Extremadurako taldeak, denboraldi honetan lehen mailara itzuli dena, azken aldiz bisitatu zuen Bilbo 2017/2018 denboraldian. Erika Vazquezen sartutako golarekin zurigorriek garaipena lortu zuten.