“Barkamena eskatzen diegu zaleei. Bi kolpe izan dira”

Dani Garciak ez du aitzakiarik jarri La Kartujan jokatu den 2020-21 Kopako finalaren ostean. Athletic Clubeko erdilariak Bartzelonaren nagusitasuna aitortu du: “Lehen zatian, eurak hobeto aritu diren arren, aurpegia eman dugu gasolinak iraun digun arte. Baina ez digu gehiagorako eman”.

Jokalari zuri-gorriak honela azaldu du une gogor hauetan aldagelak sentitzen dutena: “Zaleei barkamena eskatu behar diegu, bi kolpe izan direlako. Orain denboraldia ahalik eta ondoen amaitzen saiatuko gara. Puntuak daude jokoan, eta klubagatik hobetzen saiatu behar dugu, ahal dugun goren amaitzeko”.